第一日番工

昨天,開始做暑期工。

12noon到10:30
我很想知道我要做10.5h,工資怎麼算?
根據勞工法例超過十個小時要算雙倍,那我是不是有11個小時的薪水?
不過如果他們真的依照法例,那我根本不用工作超過十個小時。
老闆不在,人又特別多,我不知道到底該問誰。

昨天新人共有四個,另外三個在下午就走了,因為他們應徵時說了晚上沒空。
嗚,我當時就是太絕望才會什麼都「好好好」
但這樣想來,如果我也只肯在早上至下午工作,他們還會請我嗎?

由於昨天發生很嚴重的失誤(宣傳單張的問題)
全部人都在咆哮,連已經下了班的員都回來做義工。
我不好意思說我很累現在走啦。


****
不得不提
然後一個好後生,著恤衫(唔記得有冇打tie)既男仔同我講:「你知唔知自己聽日番幾點?」
「唔知呀。」其實我估都係番12點。
「聽日都係12點。」
我大喜:「你係編更架?我以後可唔可以早D放工呀,平時呢個鐘數我已經訓左!」
「唔係,唔係我編更。你出得黎做野,預左係咁架啦。」

原來呢個男仔係荃灣區同沙田區既分區經理。
我係響佢轉個頭炒左一個人果陣先知。......
仲問佢係咪編更...
我點知,我以為佢係其中一個義工。
但係如果佢係有打tie,我會覺得自己真係好蠢。
而且佢睇落唔係大我好多咋喎...

果度真係幾多人,我覺得好難認!個個都差唔多樣既!

我要肯捱,厚面皮D。
no big deal.有錢賺就得啦。
暑期工姐嘛,幾個月後又係一條好漢。

我真係好想入HKU讀BA呀。

一丁唔一丁又點

上網睇今個禮拜日去邊度食飯,順手望望以前做暑期工果間茶餐廳。
見到所謂食評,有好多篇都讚話公仔面好味呀,食得出係用出前一丁。
有篇仲搞笑,「配菜一般,但係見佢係用一丁,算啦。」

哈哈哈。你地真係食得出係出前一丁?
你真係食得出?
定係睇周圍既牌,見到「只用出前一丁」呀?

無錯,以前,佢地剩係用一丁,唔使加錢。
但兩年前因為有次出前一丁送唔切黎,好急咁用左另一隻牌子既面。
後尾一丁愈加愈離譜,而且D人客試完話新面都幾好食,同一丁唔係差好遠,
所以佢地就賣兩隻面,平時就用平D果隻,指明要一丁就加一蚊。

我仲記得果陣老闆同老闆娘為左換唔換牌起度嘈。
因為係做街坊生意,所以最後老闆娘都費事換牌,剩係同D熟客講話而家轉左喇,一丁要加錢。

你班友,平時都唔係食開既,特登出中環食一次茶記跟住起度扮野。

我唔知間餐廳而家係咪又轉番剩係用一丁,但有幾篇食評,日子正正係換面果段時間。
而寫既人都係特登覓食既。
間野冇其他俾你讚喇咩?西多,奶油多,紅豆冰,係我目前食過最正既!(係特製既,當然)
定係你覺得話好味好香好滑太過空泛,唔能夠表現出你好識食?

你同時俾福面同一丁我,我食得出邊隻係一丁。
你同時俾四洲同一丁我,我食得出邊隻係一丁。
但你就咁俾一碗面我,我未必肯定佢就係一丁。
其實我一樣都係唔識食。
所以要提醒自己,唔好好似佢地咁,懶係識食。
你地要提我。

影子

有誰會像我這樣,因為看自己身後的影子而經常絆倒?

i need $$$$

努力中。
請給我一份正當的兼職,謝謝。

筆試已完

我以為自己考完可以盡情玩。結果考完只想回家。
考得太差,沒心情。

筆試已經完結。
中化文化篇章失手。
UE section C奪A無望,真想痛哭。我做了十多年,都對9成以上。這是怎麼啦?
BIO平穩,但最後可能只得D或E。
M&ST炒了。
Chem本來我真的不想去考,考前精神崩潰,哭了。
PHY考得最差。Paper1 只會做兩分...其他的都空白了,真想躲起來。paper MC有20題以上都是瞎猜,ESSAY又不知所云。

從前我自命不凡,看不起笨人和懶人。
而我反省了自己,近年性格平和了,但懶散了。
而且因此變笨了。

now i'm one of them.

唸了這麼多年書,卻很多東西都不會,我很慚愧。

過去種下的因,現時要承受苦果。
但我不會氣餒。
過去的就讓它過去,活在當下。

倉面貨

前晚夢見自己買衫,個姐姐拎件我果日先買完既衫sell我。
我問:「我買完你仲sell,呢件係咪倉底貨黎架?」
佢答:「唔係,係倉面。」

吃到好吃的薯條,感動~

照片後補~

在今時今日的麥當勞也能吃到好吃的薯條,太感動了!

到底是怎麼回事,是換了油換了機還是換了人?
我真的很多年都沒吃過這樣好吃的薯條了!
太好吃啦~~~~~~~~~
連麥樂雞都很好吃!
我和妹妹決定買兩件脆香雞翼。賣相有點失望,但咬上去,嘩~~~~

好像多年前第一次吃的脆香雞翼!只是從前吃的沒這麼辣。
餐盤上的紙有漢堡神偷小飛飛。
現在的小孩知道這些是什麼嗎?
他們可能以為是新創的!

真的好像回到從前。