in filmsoc

點解我會剔左想做幹事架呢....?

今朝特登番學校in電影學會幹事。
其實in之前都好猶豫,我唔知原來要in...諗緊出唔出現好。我唔慣應承左到又唔到咁樣,我覺得直接唔到就算,好冇交代。
跟住尋日考慮緊同唔同番filmsoc d人講話我唔去喇聽日唔使等我,但又驚自己小題大作懶有責任心,其實直接唔出現就得。
尋日冇filmsoc檔我又唔識人,我焗住今日要去。

我唔知原來係咁認真既,今朝聽人講話今日有二百幾人in,仲有聽日喎...但係得果幾個位。

我入到間房見到五個人,跟指示響白板度寫自己資料同想做咩位,跟住吉左第二部分冇寫。
佢地問我點解唔寫,我唯有從實招來:「唔好意思呀,其實我係有少少白撞,因為我唔係諗住做committee,
我入soc果陣都剩係想做helper,但有個師兄話咁不如你申請做幹事啦,有個位咪仲好。所以我就剔左想做幹事喇。
我今日之所以黎係因為我真係有剔,唔想應承左又唔黎。」
其實我都唔知佢地有咩位,唔同位要做D咩。
我剩係想做執頭執尾果D工作人員。

佢地呆左。

我好尷尬,唯有笑。

有個女仔兜番話「唔緊要啦,你今日肯黎都係有責任心既表現。」
所以問左我d問題。覺得自己有咩優點缺點,同埋要我即場試下抄notes。
yoho,當年上william堂佢講野咁快我都抄得切,今日當然冇問題。
我話我冇咩特殊技能呀...連excel都唔識架,係打字快同英文普通話talk得下。
我仲話我係想爆GPA果D人黎架所以SEM1我麻麻地得閒SEM2就絕對冇問題。
問我:「咁即係sem1有咩都唔使搵你架啦。」我答「係架」
最後問我有冇寫影評之類既野,有就send番俾佢地睇下。
我番到屋企,起度諗點解我會覺得咁老實答有呢?
正話搵番恐龍時代既hana&alice篇筆記出黎,居然番唔番soft copy,scan完send俾佢地。
跟住翻睇多次其實唔算係影評!
跟住ps左「唔算係影評」再ps埋「其實我好樂意冇職位剩係做helper」
而我並唔係以退為進。

但其實好明顯我今日咁樣係自取其辱。
因為我好莫名其妙,
唔想做仲剔乜鬼committee<--因為我個人意志太薄弱。
唔想做又黎in,
明明冇寫影評又話有,
仲要幾經辛苦scan上去,仲要即日in完就send,如果真係剩係想做helper唔使咁啦。

我走果陣仲拎埋人地枝筆走。
實在太莫名其妙喇我。