如果唔係為左錢

樓上間唔知乜裝修,鋪頭日日生意都好好。
裝成個月,今個月睇怕都係辛苦。
聽日星期日仲恐怖。今日真係好多人呀。我梗唔想佢生意好啦,D錢賺左又唔係我既。
行得快又驚隻腳再傷,行得慢又驚俾d客話又或者俾高層話。
今日老細同佢個妹都黎左。點解會咁突然架...
我見到老細個妹同老細講左幾句,跟住老細望一望我。
我心虛。
突然記起佢地話過唔可以正手夾杯。我得兩隻手姐嘛,唔夾就兩杯,咁多人喎。

點幾都未有得食飯,我餓到有d暈暈地,突然收到個電話,
我都唔明自己點解要咁辛苦呢...

2點幾先食飯,但其實已經對我好好。我食完其他人先至食。

有個新同事行路冇聲又唔會講睇後,今日撞到佢,d野瀉落我度,佢「嘖」我囉。
我副眼鏡架又粗,兩邊視線受阻都唔係第一日既事。
下次都係配幼D。

D客又煩。
以為自己俾得起錢食野好巴閉呀,你頂多咪中產!有錢人我未見過呀!?
真搞笑喇你。

今日2號咋,要做埋今個月....oh no...
頂硬上架啦都要。

呢d野,咁濕碎,算啦。
世界上大把人仲辛苦過我。
邊個叫我咁大使,而家又要賺旅費。
我係卑微的,點都唔好嬲。
佢地係可笑的。當佢地唱歌啦。

最令我唔開心係本身賢賢約我食下午茶,我同佢講左今日收3點,
我3點同經理講我走喇果陣,經理揭更表,我今日竟然係收5點半!
我上個禮拜明明CHECK完又CHECK今日係收3點既,今日番屋企睇番張notes係寫3點,但更表係寫左我收5點半!
真係唔知點解,與其話經理突然改左又唔話我知,我反而覺得係好大機會係抄果個人睇錯。
因為經理手字真係......龍飛鳳舞。
總之我又放多賢賢一次飛機啦。好多日之前約架喇...尋晚又confirm左,今日3點幾我先可以話佢聽唔得,呢個時候,仲要咁樣放飛機,我覺得自己好過份。
我好想見下佢,佢尋日整傷隻手聯左六針呀...我又唔走得,所以之後幾個鐘都黑口黑面。
我好難受,笑唔出。

最後我今日都係冇見到佢。