眨下眼又開學

呢排唔忙,但唔知點解硬係唔得閒。

要睇既書未睇,要睇既戲又冇去睇到。

ho pain

早幾日我腰痛背痛肋骨痛肋骨對落痛。

痛到不得了連氣都唔順，要訓起床度。
未黎已經痛定，痛足四日先黎，黎又係另一種痛。
但條氣都順番少少，算係咁。
~_~
真係要鍛鍊身體。

comparative literature

其實我真係想讀comp lit架。

當我得知我鍾意/敬佩既作家導演編劇影評人雜誌編輯甚至老師,
都係讀hku comp lit畢業果陣,我真係好想知comp lit究竟係咩黎!
我好想讀!
CE EAS冇可能啦我咁hea,AL冇可能啦我咁hea,asso我都算俾心機喇,但GPA3.8/4又點?人地連3.98都唔收!我仲可以點?

諗住疊埋心水讀好而家果科佢啦,
點知選common core果陣,我睇過course info選果幾科,竟然全部都係comp lit!
係comp lit果個department。

原來我真係對comp lit有興趣。

我真係無比地灰。
唔可以讀自己想讀既科。

諗下將來有咩辦法。
算,都係疊埋心水讀好而家果科佢先講。

住hall同上莊

Hall touchcamp已完,抖左兩日再去大O。
前者訓少D,但開心D。

大O去左冇耐已經想走,如果同組既人大部分都幾nice,一唔係都唔知點捱。
睇得出班ex-co好俾心機,但,真係唔享受唔感動哩…
我入去無耐已經好想番屋企好掛住屋企。總共加埋訓左四五個鐘度啦。
所以一完左都唔想跟大隊去飲茶,直接番歸,然後再自己一個出去鯨吞壽司。下晝四點幾先食午飯。下晝食貴左,今晚食面包,但絕對唔係捱,因為係A-1買既B-)
過去果個禮拜成日跑呀行呀郁呀鬼死咁多運動,居然一滴都冇瘦。

我未有任何體驗之前,想住hall多過上莊。
雖然聽到無數咁多把聲話唔好呀唔好呀,呢間u既hall寧舍chur,會死架。
但我都係咁諗。

去左hall搞既camp同埋莊搞既camp,更加肯定我既睇法。
我會enjoy同hall果班人一齊玩,果種玩法多d。
Hall已經報左,但到今日都冇人打黎叫我interview,應該都冇架喇~~
正話一開portal check,冇啦。
報latecome,如果都唔入,算,下年再報過。

睇黎住hall同上莊,我今年兩樣都唔會做。

Reg Day

我沒想過會這麼累。

早上先去考普通話水平試。
剛巧在港大考,剛好在學院大樓!
U的學生看我是考普通話的就沒有注意,呵呵,很開心。

其實我同時是新生啊。

表現嘛...畢竟我從上星期一開始就只關心大學的事情。
明年大概要再考一次。

還沒有正式reg。
很想住hall,想住LSK。

放下心頭大石

你以為啦。

可以上大學本來是值得高興的事。
我自己很高興。但壓力的來源是...唉!

已經想一得一仲想點?
其實year 1係真係可以冇offer架囉,而家有,仲要係自己想要既,仲想點?
問我讀個教育學位出黎可以做咩。
我咪答做老師囉。
「咁同讀教院有咩分別呀?」
咁我問番佢,如果我呢一刻拎住既係教院offer,你話有冇分別?
又問我點解你year 1,點解有d人讀完year2可以直接升year2.我唔答直接番房。

仲有好多好多人,讀完兩年副學士又或者高級文憑,都係一個大學offer都冇要讀top up呀你知唔知。
你明唔明我既壓力?我呢個offer,係in完又in,仲要GPA唔炒,擔驚受怕左好耐先有。
人地唔係老馮要俾個學位你架,得些好意需回手啦,我夠想自己可以讀Dentist讀精算啦,我得先係假。
如果我冇,而家又放榜喇,又一年喇,又一批人開開心心讀大學,但我冇份,真係好心up架。

而定我入到去喇,都要打醒十二分精神。
我想住hall,但我今朝先知,我最想入果個hall,原來係要睇你屋企住邊先俾唔俾。
意思唔係睇你遠唔遠!
係睇你住咩!係指乜乜道物物道幾號!要有錢又或者本身讀開名校果d先可以入。
咁我邊使入。

我知我地家境唔係好好!
但可唔可以起碼尊重下自己,唔好成日起我聽緊電話既時候嘈!

正話係我lecturer打黎!
佢聽到仲要話唔好意思呀阻住你,一係遲d你方便果陣再聯絡啦!
我真係好失禮!

我諗起有次家長日,拎成績表,
某個同學既父母排我前一個位,而佢阿爸拎份風月版出黎睇!
而佢阿媽冇阻止,仲要整句「又睇?正話咪睇左囉!」

唉可唔可以尊重下自己呀!




點解成日咁多要求成日都要我做你地自己都做唔到既野既同時你地對自己冇要求!

累

呢兩日做野好辛苦。

今日休息,留響屋企既節目係
睇碟,睇電視送飯,溫普通話,拉下筋做五十下sit up,畫畫,抄心經,聽半個鐘french。



但係我又好想食三文魚同burger king.