又放榜喇

真係恍如隔世。

秘密花園

我知我係慢半拍。

但凡女扮男裝呀,靈魂交換呢類題材我都好鍾意。
頭幾集真係捱,做乜仲未變身架?

河知雲真係好型,你睇下佢既老鼠仔,做武師真係好有說服力。
同埋佢個妝真係配合到,好淡好淡。
唔似得D劇集呢,女主角病左入院昏迷緊係化smoky eyes。
總之我就鍾意佢啦。

但係唔追劇就有一樣唔好!我兩日內勁煲,睇到第十六集,就冇興趣追喇,我都知左結局。
剩番果幾集慢慢再睇都未遲~

我等到人都謝

聽日去睇牙喇嗚嗚嗚...我好想可以嚼番野!

又係牙

又係智慧齒,究竟想點!
痛到我死。眼耳口鼻扯住痛頭又痛!

我應該可以寫本牙痛回憶錄!

quit左喇

唔做喇,卒之都完左。
我卒之都可以成日笑唔使咁惡死喇。

D細路派左成績,個個都有進步,特別係英文,十幾分廿幾分咁上!開心到呢:DDD
衝入黎班房吱吱喳喳報告分數過我知。
「missy我英文進步左廿幾分呀!」
「Missy我今日好開心呀!派左成績喇!」blahblahblah我真係安慰。
雖然我都要串下佢地,「係咪真係進步左架,D卷出淺左咋?」哈哈哈~
星期二我請左假,星期三番去果陣好warm「missy!你番黎喇!我幾驚你走呀。」
又叫我以後唔好請假又剩,肉麻到死。
而代我果個missy都在場,所以,我信佢地真係幾鍾意我。

如果以班細路唔仇視我,而佢地又有進步,咁我都算係稱職既missy。

但我唔做喇。
新同事變態都算,佢剩係acting一段日子就走。
重點係D家長亦係變態。個仔英文上學期D野淺咁多,少咁多拎42,今個學期拎64,都唔滿意。
因為佢要求係拎到B,即係85分或以上。我真想串佢,唔係唔得,請我做私補囉。一星期至少五日每日至少個半鐘一對一教,剩係英文,都有機會既。
你究竟知唔知自己個仔幾個月既中文週記都係寫考試喇報分呀我要俾心機呀ETC?起補習社喊過幾多次?你又有冇同佢溫過?你自己英文都唔識多個。

其實點解個個家長都要求仔女做到連自己都做唔到既野?
總之我就quit左啦,又要開始搵工之旅,搵工真係好鬼悶呀。
所以我要俾心機,叻D,你幾時見過叻人要搵工?剩係得工搵佢地!
努力!加油!

青山

溫常識,
冇錯,我係講過無論如何都唔可以吉位!但都唔好亂咁寫呀!

中國主要山脈有.......青山山脈!

我喊俾你睇

溫中文,中文練習,量詞填充,一( )眼淚。
d細路填一(公升)眼淚....

小親親

小親親,第一次睇,正!仲要係高清版,仲正!

古仔都幾得意丫,靚人靚衫靚景!
輕輕鬆鬆咁,好鍾意!
好睇過乜乜琛 d所謂愛情電影多多聲。
Oh no,根本唔可以相提並論。

據聞好多人對佢d電影有共嗚。
都正常既。
事實上,呢個世界鄺美寶一定比吳秋月多。